Silvio Berluskonining sobiq jamoadoshi, u bilan o‘nlab yillar davomida "Milan"da ishlagan Adriano Gallianining fikricha, 1987 yilda niderlandiyalik hujumchi Marko van Bastenning kelishi "Milan"ning so‘nggi 40 yildagi eng yaxshi transferi bo‘lgan.
"Men buni ochiq aytishga tayyorman, garchi ko‘pchilik bunga rozi bo‘lmasa yoki g‘azablansa ham - Van Basten Silvio Berluskoni davrida "Milan"ning eng yaxshi xaridi bo‘lgandi", - deya Adriano Gallianining so‘zlarini keltiradi derbyderbyderby.it.













