"PSJ" bosh murabbiyi Luis Enrike Chempionlar Ligasi finalidan o‘rin olgan Milanning "Inter" klubiga qarshi o‘yin oldidan jamoasining o‘yini haqida gapirdi.
Parijliklar eng nufuzli yevrokubokdagi ilk g‘alabasiga bir qadam qoldi. Hal qiluvchi uchrashuv 31 may kuni bo‘lib o‘tadi.
"PSJ" murabbiyi sifatidagi taqdimotda klub uchun eng muhim sovrin - Chempionlar ligasi ekanligini aytganim esimda. Bu ham jamoaga qo‘shimcha bosim o‘tkazilayotganini, bizdan g‘alaba kutilayotganini anglatadi. Biz o‘zimizga ishonamiz va agar biz ma’lum bir tarzda o‘ynab muvaffaqiyatga erishgan bo‘lsak, finalda ham shu ruhda davom etishimiz kerak," - dedi ispaniyalik mutaxassis Sky Sport bilan suhbatda.
