"PSJ" sardori Markinyos Chempionlar Ligasi finalidan o‘rin olgan "Inter"ga qarshi o‘yin oldidan jamoa hujumchisi Usmon Dembele muhimligini qayd etdi.

"Usmon o‘z rolini biladi va u juda muhim. Dembele maydonda ham, kiyinish xonasida ham jamoaning yetakchilaridan biri. Uning maydonda nimalarga qodirligini hamma biladi. Biz buni har kuni mashg‘ulotlarda ko‘ramiz, siz esa o‘yinlarda. Dembele maydonda bo‘shliqni his qiladi va undan qanday foydalanishni biladi," - deya Markinyosning so‘zlarini keltiradi UEFA matbuot xizmati.