"Komo" yarim himoyachisi Nikolas Pas Madridning "Real" klubiga qaytishga shoshilmayapti.
Ispan grandi o‘tgan yili sotilgan argentinalikni qayta sotib olish haqida jiddiy o‘ylamoqda. El Larugero'ning ta’kidlashicha, Pasning o‘zi hozircha bunga shubha qilmoqda: u "Real"da doimiy o‘yin amaliyotiga ega bo‘lishiga ishonchi komil emas, shuning uchun u "Komo"da yana bir mavsum o‘tkazishni afzal ko‘rishi mumkin.
Transfermarkt ekspertlari 20 yoshli argentinalik futbolchining narxini 35 mln yevroga baholamoqda, biroq "qirollik klubi"ga u ancha arzonroqqa tushadi - sotuv chog‘ida tegishli band ko‘rsatilgan. Futbolchining amaldagi shartnomasi 2028 yilgacha mo‘ljallangan.













