"Комо" ярим ҳимоячиси Николас Пас Мадриднинг "Реал" клубига қайтишга шошилмаяпти.
Испан гранди ўтган йили сотилган аргентиналикни қайта сотиб олиш ҳақида жиддий ўйламоқда. El Larugero'нинг таъкидлашича, Паснинг ўзи ҳозирча бунга шубҳа қилмоқда: у "Реал"да доимий ўйин амалиётига эга бўлишига ишончи комил эмас, шунинг учун у "Комо"да яна бир мавсум ўтказишни афзал кўриши мумкин.
Transfermarkt экспертлари 20 ёшли аргентиналик футболчининг нархини 35 млн еврога баҳоламоқда, бироқ "қироллик клуби"га у анча арзонроққа тушади - сотув чоғида тегишли банд кўрсатилган. Футболчининг амалдаги шартномаси 2028 йилгача мўлжалланган.
