Chorshanba oqshomida Germaniya va Portugaliya terma jamoalari Millatlar ligasining birinchi yarim finali doirasida maydonga tushishadi.
Bundestim sardori Yozua Kimmixning asosiy tarkibda maydonga tushishi kutilyapti.
"Bavariya" vakili uchun bu o‘yin terma jamoa libosidagi 100-uchrashuv bo‘ladi. Bundesliganing rasmiy sayti Kimmixning Germaniya terma jamoasi safida yuzlik dovonga yetib borishi mumkinligi haqida post joylashtirdi.
Qayd etilishicha, bungacha Germaniya terma jamoasi safida atigi 13 nafar futbolchi bunday ko‘rsatkichga erishgan. Lotar Matteus eng ko‘p o‘yin o‘tkazgan - 150ta.
