Germaniya terma jamoasi bosh murabbiyi Yulian Nagelsmann Millatlar ligasida 3-o‘rin uchun Fransiyaga qarshi kechadigan o‘yindan nimalar kutayotgani haqida gapirdi.
"Biz nafaqat hujumda, balki barcha jabhalarda tajovuzkorroq harakat qilishimiz kerak. Raqib maydonida atigi bir marta to‘pni olib qo‘ydik shekilli, o‘shanda gol urib, oldinga chiqib oldik. To‘pni nazorat qilishda ham biz dadilroq va agressivroq bo‘lishimiz kerak, ya’ni to‘pga egalik qilish bilan bog‘liq hamma narsada. Bu terma jamoaning joriy mavsumdagi so‘nggi uy uchrashuvidir. Undan keyin jahon chempionatiga saralash boshlanadi, shuning uchun bo‘lajak o‘yin biz uchun juda muhim," - deya Nagelsmanning so‘zlarini keltiradi UEFA rasmiy sayti.
Millatlar ligasi 3-o‘rin uchun bahs Germaniya va Fransiya o‘rtasida 8 iyun kuni bo‘lib o‘tadi va 18:00 da boshlanadi. Finalda Portugaliya Ispaniya bilan to‘qnash keladi.
