Германия терма жамоаси бош мураббийи Юлиан Нагельсманн Миллатлар лигасида 3-ўрин учун Францияга қарши кечадиган ўйиндан нималар кутаётгани ҳақида гапирди.

"Биз нафақат ҳужумда, балки барча жабҳаларда тажовузкорроқ ҳаракат қилишимиз керак. Рақиб майдонида атиги бир марта тўпни олиб қўйдик шекилли, ўшанда гол уриб, олдинга чиқиб олдик. Тўпни назорат қилишда ҳам биз дадилроқ ва агрессивроқ бўлишимиз керак, яъни тўпга эгалик қилиш билан боғлиқ ҳамма нарсада. Бу терма жамоанинг жорий мавсумдаги сўнгги уй учрашувидир. Ундан кейин жаҳон чемпионатига саралаш бошланади, шунинг учун бўлажак ўйин биз учун жуда муҳим," - дея Нагельсманнинг сўзларини келтиради УEФА расмий сайти.

Миллатлар лигаси 3-ўрин учун баҳс Германия ва Франция ўртасида 8 июнь куни бўлиб ўтади ва 18:00 да бошланади. Финалда Португалия Испания билан тўқнаш келади.