Angliya terma jamoasi safarda Andorraga qarshi o‘yinda atigi bitta gol urdi va 1:0 hisobida g‘alaba qozondi. O‘yindan keyin "uch sherlar" vingeri Noni Madueke intervyu berdi. U hujumchi Xarri Keynning goliga assistentlik qildi.
"Biz hali [Tuxel davrida] yutqazganimiz yoki gol o‘tkazib yuborganimiz yo‘q. Bular optimizm uchun asosdir. Bugun hisob biz kutgandek bo‘lmadi, lekin biz g‘alaba qozondik. Mening ishim - vaziyatlar yaratish va gollar urish. Bugun bittasini yaratishga muvaffaq bo‘ldim, shuning uchun xursandman," - dedi Madueke BBC Radio 5 Live'ga.
- Biz ahmoq emasmiz. Hisob biz istaganimizdek emasligini bilamiz. Lekin o‘ylashimcha, bizda yaxshi lahzalar bo‘lgan. Hammasi bunchalik qayg‘uli va umidsiz emas," - deya qo‘shimcha qildi futbolchi.













