Англия терма жамоаси сафарда Андоррага қарши ўйинда атиги битта гол урди ва 1:0 ҳисобида ғалаба қозонди. Ўйиндан кейин "уч шерлар" вингери Нони Мадуэке интервью берди. У ҳужумчи Харри Кейннинг голига ассистентлик қилди.
"Биз ҳали [Тухель даврида] ютқазганимиз ёки гол ўтказиб юборганимиз йўқ. Булар оптимизм учун асосдир. Бугун ҳисоб биз кутгандек бўлмади, лекин биз ғалаба қозондик. Менинг ишим - вазиятлар яратиш ва голлар уриш. Бугун биттасини яратишга муваффақ бўлдим, шунинг учун хурсандман," - деди Мадуэке BBC Radio 5 Live'га.
- Биз аҳмоқ эмасмиз. Ҳисоб биз истаганимиздек эмаслигини биламиз. Лекин ўйлашимча, бизда яхши лаҳзалар бўлган. Ҳаммаси бунчалик қайғули ва умидсиз эмас," - дея қўшимча қилди футболчи.
