"Arsenal" "Chelsi" darvozaboni Kepa Arrisabalagani o‘z safiga qo‘shib olishini The Athletic jurnalisti Devid Ornshteyn xabar qilmoqda.

Manba ma’lumotlariga ko‘ra, 30 yoshli ispaniyalik darvozabonning transferi bo‘yicha kelishuv yakuniy bosqichga yetgan. Bunga Arrisabalaganing "Arsenal"ga o‘tishga va asosiy tarkib uchun kurashishga rozi bo‘lgani sabab bo‘lgan.

Ilgari futbolchining transfer narxi 5 million funt sterlingni tashkil etishi haqida ma’lumotlar tarqalgan edi. Uning amaldagi shartnomasi 2026 yil 30 iyungacha amal qiladi.

"Arsenal" transferni yakunlash uchun ushbu shartni faollashtirishi lozim.

Kepa 2024/25 yilgi mavsumni "Bornmut"da ijaraga o‘tkazdi. U klub safida 35 ta o‘yinda 43 ta gol o‘tkazib yubordi, 9 ta o‘yinda esa darvozasini quruq saqladi.