Germaniya terma jamoasi yarim himoyachisi Paskal Gross Millatlar ligasida uchinchi o‘rin uchun Fransiya bilan bo‘lajak o‘yin haqida fikr bildirdi.
"Ha, biz Portugaliya bilan o‘yindan so‘ng xafa bo‘ldik. Albatta, finalga chiqishni xohlagandik, ammo hozir barcha fikrlarimiz keyingi o‘yinda. Bu biz uchun juda muhim o‘yin - kuchli Fransiya termasiga qarshi. Bu oson bo‘lmaydi, lekin biz uchinchi o‘rinni olishni istaymiz.
Fransuzlar ajoyib hujumkorlik qobiliyatiga ega. Agar himoyalanishga tayyor bo‘lmasangiz, ular doimo gol urishi mumkin. Shuning uchun ularning qarshi hujumlarini to‘xtatib, himoyada malakali harakat qilishimiz kerak, aks holda bu juda qiyin bo‘ladi", — dedi Gross.
