Германия терма жамоаси ярим ҳимоячиси Паскаль Гросс Миллатлар лигасида учинчи ўрин учун Франция билан бўлажак ўйин ҳақида фикр билдирди.
"Ҳа, биз Португалия билан ўйиндан сўнг хафа бўлдик. Албатта, финалга чиқишни хоҳлагандик, аммо ҳозир барча фикрларимиз кейинги ўйинда. Бу биз учун жуда муҳим ўйин - кучли Франция термасига қарши. Бу осон бўлмайди, лекин биз учинчи ўринни олишни истаймиз.
Французлар ажойиб ҳужумкорлик қобилиятига эга. Агар ҳимояланишга тайёр бўлмасангиз, улар доимо гол уриши мумкин. Шунинг учун уларнинг қарши ҳужумларини тўхтатиб, ҳимояда малакали ҳаракат қилишимиз керак, акс ҳолда бу жуда қийин бўлади", — деди Гросс.













