Hujumchi Randal Kolo-Muani klublar o‘rtasidagi jahon chempionatida "Yuventus" safida o‘ynashini tasdiqladi.

"Milliy jamoada ham, klubimda ham biroz ko‘proq o‘ynay olganimdan juda xursandman. "Yuventus"da juda baxtliman, u yerda o‘ynashda davom etishdan umidvorman, ular meni yaxshi kutib olishdi, bu menga yoqadi. Ular bilan klublar o‘rtasidagi jahon chempionatiga boraman," - deya futbolchining so‘zlarini keltiradi L’Equipe.

Hujumchi Italiya klubi tomonidan "PSJ"dan 2025 yilning 30 iyuniga qadar ijaraga olingan. Futbolchining parijliklar bilan shartnomasi 2028 yilning iyun oyi oxirigacha mo‘ljallangan.

26 yoshli fransuz yanvar oyi oxirida "Yuventus" safiga kelib qo‘shilgandi. O‘tgan mavsumda futbolchi klub safida 19 ta o‘yinda maydonga tushib, 8 ta gol urgan va 2 ta golli uzatmani amalga oshirgan.