Britaniyaning "The Guardian" nashri jurnalisti Jon Dyurden O‘zbekiston milliy terma jamoasining o‘ziga xos yo‘lini ta’kidladi.

Hal qiluvchi o‘yinda O‘zbekiston BAA terma jamoasiga qarshi durang o‘ynadi va shu tariqa 2026 yili AQSH, Kanada va Meksikada bo‘lib o‘tadigan mundialga yo‘llanmani muddatidan oldin qo‘lga kiritdi.

— Bugungi kunda ko‘plab mamlakatlar jahon chempionatida qatnashish orzusini amalga oshirish uchun futbolchilarni naturalizasiya qilish yo‘liga o‘tyapti — masalan, BAA termasining asosiy tarkibidagi futbolchilarning aksariyati ushbu davlatda tug‘ilmagan. O‘zbekiston esa butunlay boshqa yo‘lni tanladi: milliy terma jamoa milliy ruh va klub muhitini o‘zida uyg‘unlashtirgan.

Yaqin yillarda yoshlar o‘rtasidagi Osiyo musobaqalarida qo‘lga kiritilgan muvaffaqiyatlar tasodif emas. So‘nggi o‘n yillikda mamlakat futbolni rivojlantirishga ancha vaqt va mablag‘ sarfladi. Bu jarayonda yuqori darajadagi qo‘llab-quvvatlash ham bo‘ldi: sport inshootlari qurildi yoki yangilandi, murabbiylar tayyorlandi, futbolchilar uchun imkoniyatlar yaratildi. 2021 yilda yosh iste’dodlar uchun tashkil etilgan Oliy liga klubi — “Olimpik Toshkent” klubi ham bu borada katta rol o‘ynadi.

Bu klubni o‘tgan yozgacha boshqargan kim? Kapadze. U 2022 va 2024 yillarda 23 yoshgacha bo‘lgan termani Osiyo finaliga olib bordi va Olimpiadada ilk marta ishtirok etish sharafiga erishdi. Parijda faqat bir ochko to‘plashdi, ammo Ispaniya va Misrga minimal farq bilan yutqazishdi. Ikki oy oldin U-17 jamoa Osiyo chempioni bo‘ldi. 2023 yilda esa U-20 terma jahon chempionatida 1/8 finalga chiqdi.

Solishtirganda, AQSH, Kanada va Meksikadagi Jahon chempionatida qanday ishtirok etishlari bugungi kunning savoli emas. Hozir yangi davrni qarshi olish vaqti keldi", — deyiladi maqolada.