"Bavariya" sport bo‘limi direktori Maks Eberl Kim Min Jening jamoadagi o‘rni haqida fikr bildirdi.

Janubiy koreyalik futbolchi o‘tgan mavsumning katta qismini jarohatda o‘tkazdi.

"Kimning axill payida muammo bor edi. Odamlar biz uning sog‘lig‘ini xavf ostiga qo‘yganimizni aytishdi, lekin bu unday emas - bizda hamma narsa nazorat ostida. Kim bizga dam olish va tiklanishni xohlayotganini aytdi. Yaqin kunlarda u mashg‘ulotlarni davom ettirib, jamoaga qo‘shiladi. Qaytganidan keyin u ko‘plab sheriklari bilan asosiy tarkib uchun kurashishi kerak - bizning himoya chizig‘imiz mukammal" - deya Eberlning so‘zlarini keltiradi Bayern & Germany.

Kim Min Je 2023 yilning yozida "Napoli"dan 50 mln yevro evaziga "Bavariya"ga o‘tgandi.