"Yuventus" hujumchisi Dushan Vlaxovich hali ham klubda qolishi mumkin. Tomonlarning yangi mehnat shartnomasi bo‘yicha oldingi muzokaralari muvaffaqiyatga olib kelmadi. 25 yoshli serbning amaldagi kelishuvi kelasi yili o‘z nihoyasiga yetadi. La Gazzetta dello Sport xabariga ko‘ra, Vlaxovich hali shartnomani uzaytirib, qolishi mumkin: buning uchun futbolchi maoshini yiliga 10 mln yevrogacha qisqartirishga rozi bo‘lishi kerak. Turinliklar bosslari hujumchini ko‘ndirishga harakat qilmoqda.
Dushan Vlaxovich A Seriyaning eng ko‘p maosh oluvchi futbolchisi bo‘lib qolmoqda: 2025/26 yilgi mavsumda uning maoshi amaldagi shartnoma shartlariga ko‘ra yiliga 12 mln yevrogacha oshadi.
Vlaxovichga "Milan" qiziqish bildirmoqda.
