"PSJ" yarim himoyachisi Joau Nevesh "Bavariya"ga o‘tishi mumkin edi. Parijliklar portugaliyalikni o‘tgan yilning yozida "Benfika"ga 60 mln yevro atrofida to‘lab sotib olgan edi. Jurnalistlar Tobi Altsheffl va Kristian Falk ma’lumotlariga ko‘ra, o‘sha paytda "Bavariya"ga ham istiqbolli xavbek taklif qilingan, ammo myunxenliklar bir yil oldin transfer amalga oshmay qolgan Joau Palinyani sotib olishga qaror qilgan. Oxir-oqibat, nemis grandi Neveshdan voz kechdi va u "PSJ"ga ko‘chib o‘tdi va u bilan Chempionlar ligasi va debyut mavsumida Fransiyadagi barcha ichki sovrinlarni qo‘lga kiritdi.
Palinya uchun esa aksincha, barchasi unchalik omadli kechmadi: u "Bavariya"ning asosiy tarkibiga kira olmadi va endi sotilish uchun nomzod hisoblanadi.
