"ПСЖ" ярим ҳимоячиси Жоау Невеш "Бавария"га ўтиши мумкин эди. Парижликлар португалияликни ўтган йилнинг ёзида "Бенфика"га 60 млн евро атрофида тўлаб сотиб олган эди. Журналистлар Тоби Альтшеффл ва Кристиан Фальк маълумотларига кўра, ўша пайтда "Бавария"га ҳам истиқболли хавбек таклиф қилинган, аммо мюнхенликлар бир йил олдин трансфер амалга ошмай қолган Жоау Палиньяни сотиб олишга қарор қилган. Охир-оқибат, немис гранди Невешдан воз кечди ва у "ПСЖ"га кўчиб ўтди ва у билан Чемпионлар лигаси ва дебют мавсумида Франциядаги барча ички совринларни қўлга киритди.
Палинья учун эса аксинча, барчаси унчалик омадли кечмади: у "Бавария"нинг асосий таркибига кира олмади ва энди сотилиш учун номзод ҳисобланади.
