"Atletiko"ning to‘rt nafar muxlisi "Real" futbolchisi Vinisius Juniorga nisbatan irqchilik uchun qamoq jazosiga hukm qilindi.
Bu haqda La Liga sayti xabar berdi. 2023 yilning yanvarida ayblanuvchi Ispaniya kubogi o‘yini oldidan ko‘prik ostiga futbolchi tasviri tushirilgan qo‘g‘irchoqni osib qo‘ygan.
Madrid viloyat sudi ish bo‘yicha ayblanuvchilardan birini bu jinoyati uchun 15 oyga, tahdid qilgani uchun esa qo‘shimcha 7 oyga qamoq jazosiga hukm qildi.
Qolganlariga 14 oy (7 oy nafrat va tahdid uchun 7 oy) berildi. Shuningdek, muxlislar 720 dan 1084 yevrogacha jarima to‘lashlari kerak bo‘ladi va o‘yinlar vaqtida stadionlarga yaqinlashish taqiqlanadi. Ularning kechirim so‘rashi jazoni yengillashtirishga yordam berdi.













