Milanning "Inter" klubi bosh murabbiyi Kristian Kivu jamoaning "Monterrey"ga (1:1) qarshi o‘yindagi harakatlari haqida o‘z fikrlarini bildirib o‘tdi.

Ruminiyalik mutaxassisning "neradzurrilar" boshchiligidagi debyuti klublar o‘rtasidagi jahon chempionati guruh bosqichining 1-tur o‘yiniga to‘g‘ri keldi. Milan jamoasining yagona goliga 43-daqiqada Lautaro Martines mualliflik qildi va hisobni tenglashtirdi.

"Birinchi bo‘limda hisobda ortda qolayotgan bo‘lsak-da, yaxshi o‘ynadik. Biz aqlliroq harakat qilishimiz va tez-tez ofsaydga tushib qolmasligimiz kerak edi. Ikkinchi bo‘limda tempni pasaytirdik, ammo baribir bir nechta vaziyatlar yaratdik - raqib darvozasi oldida tajovuzkorlik yetishmadi," - dedi joriy oyda Simone Indzagining o‘rniga kelgan Kivu DAZN'ga bergan intervyusida.