Mundo Deportivo xabariga ko‘ra, Ispaniyaning "Valensiya" klubi "Milan"ning xavbek Xavi Gerra bo‘yicha taklifini rad etgan.

22 yoshli futbolchi yozda eng talabgir yosh yarim himoyachilardan biriga aylandi. Nashr ma’lumotlariga ko‘ra, "rossonerilar" futbolchi uchun 16 million yevro va yana 4 million bonus taklif qilgan.

Ammo "Valensiya" bu taklifni hech ikkilanmay rad etdi - klubdagilar ko‘proq pul ishlab olishlariga ishonishmoqda. Tomonlar o‘rtasidagi muzokaralar yaqin haftalarda davom etishi kutilmoqda.

Eslatib o‘tamiz, Gerra 2024/25 yilgi mavsumda "Valensiya" safida barcha musobaqalarda 38 ta o‘yinda maydonga tushib, 3 ta gol va 3 ta golli uzatmaga mualliflik qilgan.