Mundo Deportivo хабарига кўра, Испаниянинг "Валенсия" клуби "Милан"нинг хавбек Хави Герра бўйича таклифини рад этган.
22 ёшли футболчи ёзда энг талабгир ёш ярим ҳимоячилардан бирига айланди. Нашр маълумотларига кўра, "россонерилар" футболчи учун 16 миллион евро ва яна 4 миллион бонус таклиф қилган.
Аммо "Валенсия" бу таклифни ҳеч иккиланмай рад этди - клубдагилар кўпроқ пул ишлаб олишларига ишонишмоқда. Томонлар ўртасидаги музокаралар яқин ҳафталарда давом этиши кутилмоқда.
Эслатиб ўтамиз, Герра 2024/25 йилги мавсумда "Валенсия" сафида барча мусобақаларда 38 та ўйинда майдонга тушиб, 3 та гол ва 3 та голли узатмага муаллифлик қилган.
