“Yuventus” ustozi Igor Tudor klublar o‘rtasidagi jahon chempionatining 1-tur uchrashuvida turinliklarning “Al-Ayn”ni ishonchli tarzda 5:0 hisobida mag‘lubiyatga uchratgan uchrashuv yakunlarini sarhisob qildi.
Murabbiy natijadan ham, jamoasining o‘yinidan ham mamnun bo‘ldi, ammo "Yuve"ning salohiyati ancha yuqori ekanligini ta’kidladi.
"Men natijadan qoniqdim. Raqib o‘yinni faol boshladi, lekin biz tezda moslashib, o‘yin nazoratini o‘z qo‘limizga oldik.
Bu yaxshi natija - bu bizga ishonch bag‘ishlaydi. Turnir ajoyib boshlandi", - dedi murabbiy.
