Indoneziyaning Bali shahrida davom etayotgan qilichbozlik bo‘yicha Osiyo chempionatining sablya yo‘nalishida jamoaviy bahslar o‘tkazildi.
Unda Zaynab Dayibekova, Gulistan Pardibayeva, Samira Shokirova va Luisa Fernanda Errera Lara kabi mahoratli qilichbozlardan iborat bo‘lgan O‘zbekiston terma jamoasi 1/16 finalda Xitoy Taypeyini 45:23, 1/8 finalda Honkongni 45:37 hisobida taslim qildi. Bronza medali uchun o‘tgan bellashuvda qilichbozlarimiz Xitoy terma jamoasini 45:43 hisobida taslim etdi. Mazkur yo‘nalishda Yaponiya va Janubiy Koreya termalari oltin hamda kumush medalni qo‘lga kiritdi.
Ma’lumot o‘rnida: sablya yo‘nalishining erkaklar o‘rtasidagi jamoaviy bahslarida ham terma jamoamiz uchinchi pog‘onadan joy olgan edi. Shuningdek, qizlar o‘rtasidagi yakkalik bellashuvlarida Luisa Fernanda Errera Lara kuchli uchlikni yakunlab bergan.
