"Manchester Siti" yarim himoyachisi Klaudio Echeverri klub safidagi ilk golini urdi.
Argentinalik futbolchi klublar o‘rtasidagi Jahon chempionatining 27-daqiqasida "Al-Ayn"ga qarshi o‘yinda jarima zarbasidan to‘g‘ridan-to‘g‘ri zarba yo‘llab, tablodagi hisobni 2:0 ko‘rinishiga keltirdi. Bu 19 yoshli futbolchining "shaharliklar" safidagi ilk goli bo‘ldi - unga atigi uchta o‘yin kerak bo‘ldi. E’tiborlisi, bugungi bellashuv futbolchi uchun "Manchester Siti" asosiy tarkibidagi dastlabkisi bo‘ldi. Tanaffusda Xosep Gvardiola yangi yulduzni Fil Fodenga almashtirdi.
Klaudio Echeverri 2024 yil boshida Argentinaning "River Pleyt" klubidan 18,5 million yevroga sotib olingan edi. Hujumkor yarim himoyachining shartnomasi 2028 yilgacha mo‘ljallangan.













