Madridning "Atletiko" klubi hujumchisi Antuan Grizmann golsiz seriyasini to‘xtatdi.
Fransiyalik futbolchi klublar o‘rtasidagi jahon chempionatida "Botafogo"ga qarshi o‘yinning ikkinchi bo‘limi boshlanishidan oldin zaxiradan maydonga tushdi va 87-daqiqada o‘yindagi yagona gol muallifiga aylandi.
34 yoshli hujumchi uchun bu deyarli to‘rt oy ichida birinchi gol bo‘ldi - 25 fevral kuni "matraschilar" Ispaniya kubogi yarim finalida "Barselona"ga qarshi o‘ynaganidan beri. Golsiz seriya 18 o‘yinga cho‘zildi.













