"Atletiko"ning braziliyalik vingeri Samuel Lino yaqin oylarda klubini o‘zgartirishi mumkin, deya xabar bermoqda Fichajes nashri. Madridliklar transfer summasi 30 million yevroga yaqinlashsa, futbolchini sotishga tayyor.

U tezkorligi, driblingi va himoyani yorib o‘tish qobiliyatiga qaramay, asosiy tarkibga mustahkam o‘rnashib ololmadi. "Atletiko"dek talabchan klubda barqarorlik juda muhim va aynan shu narsa braziliyalikka yetishmayapti.

Bir necha xorij klublari, ayniqsa, APLdagilar allaqachon Linoning holatiga qiziqish bildirishgan. "Atletiko" rahbariyati bu futbolchi orqali pul ishlash uchun yaxshi imkoniyat deb hisoblamoqda.

Qo‘shimcha qilamizki, 2024/25 yilgi mavsumda Lino "Atletiko" safida barcha musobaqalarda 47 ta o‘yinda maydonga tushib, 4 ta gol va 8 ta golli uzatmani amalga oshirdi.