Ukrainalik darvozabon Andrey Luninning "Real"dagi kelajagi mavhumligicha qolmoqda.

The Sun portali xabariga ko‘ra, 26 yoshli posbon yozda klubini o‘zgartirish haqida o‘ylamoqda - u uchun muntazam o‘yin amaliyoti ustuvor bo‘lib qolmoqda. Lunin faoliyatini davom ettirishi mumkin bo‘lgan variantlar orasida "Manchester Yunayted" ham bor. Ingliz klubi "Inter"dan transfer qilinganidan beri bir necha bor tanqidga uchragan Andre Onananing beqaror o‘yinlari fonida darvozabon pozisiyasini kuchaytirishdan manfaatdor.

Manbaning ta’kidlashicha, "MYU" allaqachon transfer bo‘yicha taklif bilan chiqqan - gap 15 million yevro miqdori haqida ketmoqda. Biroq, "Real" futbolchi uchun 20 million atrofida daromad olishni mo‘ljallamoqda.