Украиналик дарвозабон Андрей Луниннинг "Реал"даги келажаги мавҳумлигича қолмоқда.
The Sun портали хабарига кўра, 26 ёшли посбон ёзда клубини ўзгартириш ҳақида ўйламоқда - у учун мунтазам ўйин амалиёти устувор бўлиб қолмоқда. Лунин фаолиятини давом эттириши мумкин бўлган вариантлар орасида "Манчестер Юнайтед" ҳам бор. Инглиз клуби "Интер"дан трансфер қилинганидан бери бир неча бор танқидга учраган Андре Онананинг беқарор ўйинлари фонида дарвозабон позициясини кучайтиришдан манфаатдор.
Манбанинг таъкидлашича, "МЮ" аллақачон трансфер бўйича таклиф билан чиққан - гап 15 миллион евро миқдори ҳақида кетмоқда. Бироқ, "Реал" футболчи учун 20 миллион атрофида даромад олишни мўлжалламоқда.
