Turkiyaning "Fenerbaxche" klubi "PSJ" himoyachisi Milan Shkrinyar bilan shartnoma imzolash uchun harakat qilmoqda. Bu haqda jurnalist Fabrisio Romano o‘zining ijtimoiy tarmoqlarida ma’lum qildi.
Gap to‘laqonli kelishuv haqida ketmoqda. Yanvar oyida Shkrinyar "Fenerbaxche"ga ijaraga o‘tdi. Romano xabariga ko‘ra, 30 yoshli futbolchining transferi shu oyda amalga oshadi.
O‘tgan mavsumda Milan Shkrinyar 28 ta o‘yinda (5 tasi Parij klubi tarkibida) maydonga tushib, 3 ta gol urdi va 2 ta golli uzatmani amalga oshirdi. Transfermarkt portali slovakiyalik futbolchining narxini 30 million yevroga baholamoqda.













