Туркиянинг "Фенербахче" клуби "ПСЖ" ҳимоячиси Милан Шкриньяр билан шартнома имзолаш учун ҳаракат қилмоқда. Бу ҳақда журналист Фабрицио Романо ўзининг ижтимоий тармоқларида маълум қилди.
Гап тўлақонли келишув ҳақида кетмоқда. Январь ойида Шкриньяр "Фенербахче"га ижарага ўтди. Романо хабарига кўра, 30 ёшли футболчининг трансфери шу ойда амалга ошади.
Ўтган мавсумда Милан Шкриньяр 28 та ўйинда (5 таси Париж клуби таркибида) майдонга тушиб, 3 та гол урди ва 2 та голли узатмани амалга оширди. Transfermarkt портали словакиялик футболчининг нархини 30 миллион еврога баҳоламоқда.
