"Liverpul" klubi va Niderlandiya terma jamoasi yarim himoyachisi Rayan Gravenberx Portugaliya terma jamoasi va mersisaydliklar hujumchisi Diogu Jota hamda uning ukasi, "Penafiel" futbolchisi Andre Silvaning Ispaniyadagi YTH oqibatida halok bo‘lgani haqida gapirdi.
"Hali ham bunga ishona olmayapman, tushkunlikka tushdim va hayratdaman. Men har doim birga o‘ynagan paytlarimizni quvonch bilan eslayman. Avvalambor, sizni juda sog‘inishadi, chunki siz ajoyib inson edingiz.
Butun xayolim Diogu oilasi bilan band, axir ular siz va ukangizning o‘rnini to‘ldirib bo‘lmaydigan judolikka dosh berishlariga to‘g‘ri keladi. Ularga kuch tilayman.
Ruhingiz shod bo‘lsin, Diogu va Andre," - deb yozdi Gravenberx ijtimoiy tarmoqda.
