"Chelsi"ning yangi sotib olgan hujumchisi Joao Pedro klublar o‘rtasidagi jahon chempionati chorak finalidan o‘rin olgan "Palmeyras"ga qarshi o‘yindan so‘ng o‘z fikrlarini bildirdi.
Bahsda "aristokratlar" 2:1 hisobida zafar quchdi.
"Bu muhim g‘alaba. Men ta’tilda edim, shunday bo‘lsa-da maydonga tushib, yaxshi o‘yin ko‘rsatganim menga katta mamnuniyat bag‘ishlaydi. Keyingi bosqichga o‘tganimizdan juda xursandman, endi esa dam olib, "Fluminense"ga qarshi o‘yinga e’tibor qaratishimiz kerak", - dedi braziliyalik futbolchi.













