Bugun Samarqand va Toshkentda Superliga 15-turining ikki markaziy bahsi bo‘lib o‘tadi.

20:00. “Dinamo” – “Nasaf”

Turning yana bir markaziy o‘yinlaridan biri Samarqandda o‘tadi. Jadvalda dastlabki ikki o‘rinni egallab turgan klublar bahsiga qiziqish shubhasiz katta. Ammo 2 iyul kuni “Dinamo” 7-turning qoldirilgan uchrashuvida o‘z uyida “Neftchi”ga yutqazdi. Natijada Abramov shogirdlari mavsumdagi ikkinchi mag‘lubiyatini qabul qilib oldi. Chempionatda birgina mag‘lub bo‘lmagan “Nasaf” qoldi. Tabiiyki, Ro‘ziqul Berdiyev shogirdlari bugun yengilmaslik uchun harakat qiladi.

Hozircha o‘yinda tenglik deyish mumkin. Har holda bugun mezbonlar o‘z muxlislari qarshisida yengilmaslik uchun harakat qiladi.

20:00. “Paxtakor” – “Navbahor”

Navbatdagi e’tibor markazida bo‘lgan o‘yinlardan biri Toshkentda “Paxtakor” va “Navbahor” o‘rtasida kechadi. Sergey Lushchan boshchiligidagi “Navbahor” bu yil “yiritqich”ga aylandi. Chempionatda eng ko‘p gol urgan jamoa “Navbahor” bo‘lib turibdi – 30. Undan keyin esa “Paxtakor”  29 ta gol. Demak, hujumkor va gollar urishni yoqtiradigan klublar o‘rtasida biz yana gollar shousini ko‘rsak ajab emas. “Paxtakor” Kamoliddin Tojiyev boshchiligida hali yutqazgani yo‘q. “Navbahor”ga muammo tug‘dirishga harakat qiladi. “Navbahor” o‘z maydonida dahshatli ko‘rsatkichlarni qayd etmoqda. Safarda ham buni takrorlashga urinib ko‘radi. Xullas, derbiga mos o‘yin bo‘ladi. Qolganini o‘yin davomida bilib olamiz.