Hujumchi Markus Reshfordning kelajagi noaniq va munozarali bo‘lib qolmoqda. Nufuzli insayder Fabrisio Romanoning ijtimoiy tarmoqlarda yozishicha, kelasi haftadan boshlab Reshfordning kelajagi bo‘yicha muzokaralarning yangi bosqichi boshlanadi.
27 yoshli futbolchi "Manchester Yunayted" bosh murabbiyi Ruben Amorimning rejalaridan o‘rin olmaganini qabul qildi. Endi Reshford faoliyatidagi yangi bob oldidan o‘z variantlarini o‘rganmoqda.
Xabaringiz bor, 2024/2025 yilgi mavsumning ikkinchi qismida Markus Reshford "Aston Villa" safida ijara asosida to‘p tepdi. Nufuzli Transfermarkt portali mutaxassislari Reshfordni 50 million yevroga baholamoqda.
