"Fenerbaxche" Turkiya chempionligi uchun "Galatasaroy" bilan raqobatlashish uchun tarkibni jiddiy kuchaytirmoqchi. Hurriyet nashri tarqatgan xabarga ko‘ra "kanareykalar" "Bavariya" vingeri Kingsli Komanga qiziqish bildirmoqda. Bu futbolchining transferini "Fenerbaxche" bosh murabbiyi Joze Mourinyo talab qilmoqda.
Dastlab gap ijara haqida edi, ammo to‘laqonli transfer ham ko‘rib chiqilmoqda. Uning narxi 40 million yevrogacha bo‘lishi mumkin.
Qayd etilishicha, "Bavariya" yaxshi taklif bo‘lsa, 29 yoshli Komanni sotib yuborishga tayyor bo‘ladi.
Eslatib o‘tamiz, kuni kecha "Fenerbaxche" tarkibiga Jon Duran qo‘shildi - "kanareykalar" kolumbiyalik futbolchini "An-Nasr"dan ijaraga olishgandi.













