"Фенербахче" Туркия чемпионлиги учун "Галатасарой" билан рақобатлашиш учун таркибни жиддий кучайтирмоқчи. Hurriyet нашри тарқатган хабарга кўра "канарейкалар" "Бавария" вингери Кингсли Команга қизиқиш билдирмоқда. Бу футболчининг трансферини "Фенербахче" бош мураббийи Жозе Моуриньо талаб қилмоқда.
Дастлаб гап ижара ҳақида эди, аммо тўлақонли трансфер ҳам кўриб чиқилмоқда. Унинг нархи 40 миллион еврогача бўлиши мумкин.
Қайд этилишича, "Бавария" яхши таклиф бўлса, 29 ёшли Команни сотиб юборишга тайёр бўлади.
Эслатиб ўтамиз, куни кеча "Фенербахче" таркибига Жон Дуран қўшилди - "канарейкалар" колумбиялик футболчини "Ан-Наср"дан ижарага олишганди.
