"Chelsi" hujumchisi Joao Pedro klublar o‘rtasidagi jahon chempionati yarim finalida "Fluminense"ga qarshi o‘yinda ikkita gol urdi.

Braziliyalik futbolchi 18-daqiqada "ko‘klar" safidagi debyut golini ajoyib zarbasi bilan urib, hisobni ochdi, 56-daqiqada esa o‘zi uchun qadrdon klubini yana xafa qildi - dubl va 2:0. Ko‘p o‘tmay, bosh murabbiy Enso Mareska yangi kelgan futbolchini almashtirdi va uning o‘rniga Nikolas Jeksonni maydonga tushirdi.

"Fluminense" bilan o‘yin Pedro uchun "Chelsi" safidagi ikkinchi, shuningdek, asosiy tarkibdagi birinchi o‘yin bo‘ldi. 23 yoshli hujumchi 2 iyul kuni "Brayton"dan London klubiga o‘tgan edi. Transfer qiymati 60 mln yevrodan oshgan.