"Roma" markaziy hujumchisi Artyom Dovbik jamoani tark etishi mumkin, deb yozadi Estadio Deportivo.
Rimliklarning yangi bosh murabbiyi Jan Pyero Gasperini "Manchester Yunayted" forvardi Rasmus Xyoylundni o‘z loyihasi uchun ustuvor nom deb hisoblamoqda va uni "Roma" uchun ideal futbolchi deb hisoblamoqda. Eslatib o‘tamiz, Gasperini va Xyoylund avvalroq "Atalanta"da birga ishlagan, daniyalik o‘sha yerdan Angliyaga ko‘chib o‘tgandi.
22 yoshli Rasmusni qo‘lga kiritish uchun "Roma" Artyom Dovbik bilan bog‘liq vaziyatni hal qilishi kerak. Hujumchi klubning umidlarini oqlay olmadi, uning ketishi esa Xyoylund transferini amalga oshirish imkonini beradi, chunki "MYU" futbolchi uchun 45 million yevro olmoqchi.
Rimliklar allaqachon manchesterliklar bilan Rasmusni ijaraga olish imkoniyati bo‘yicha birinchi aloqalarni o‘rnatgan. Bu mavsumda u klub miqyosida 60 ta o‘yinda maydonga tushib, 11 ta gol urdi va 4 ta golli uzatmani amalga oshirdi.
28 yoshli Dovbik klub va terma jamoa safida 50 ta o‘yinda 18 ta gol urdi va 4 ta golli uzatmani amalga oshirdi.
