"Liverpul" vingeri Luis Dias klubning yangi shartnomasi bo‘yicha taklifidan hafsalasi pir bo‘ldi, bu esa tomonlar o‘rtasidagi munosabatlarning keskinlashishiga olib keldi, deb xabar beradi ESPN Colombia.

Manbaga ko‘ra, kolumbiyalik futbolchi unga taklif qilingan shartlar uning mersisaydliklar natijalariga qo‘shgan hissasiga to‘g‘ri kelmaydi, deb hisoblamoqda. Ayni damda Diasga "Barselona" va "Bavariya" katta qiziqish bildirmoqda.

O‘tgan mavsumda hujumchi barcha musobaqalarda 50 ta o‘yinda qatnashib, 17 ta gol urdi va 8 ta golli uzatmani amalga oshirdi.