"Ливерпуль" вингери Луис Диас клубнинг янги шартномаси бўйича таклифидан ҳафсаласи пир бўлди, бу эса томонлар ўртасидаги муносабатларнинг кескинлашишига олиб келди, деб хабар беради ESPN Colombia.
Манбага кўра, колумбиялик футболчи унга таклиф қилинган шартлар унинг мерсисайдликлар натижаларига қўшган ҳиссасига тўғри келмайди, деб ҳисобламоқда. Айни дамда Диасга "Барселона" ва "Бавария" катта қизиқиш билдирмоқда.
Ўтган мавсумда ҳужумчи барча мусобақаларда 50 та ўйинда қатнашиб, 17 та гол урди ва 8 та голли узатмани амалга оширди.
