Biz xorvatiyalik yarim himoyachi Luka Modrich Italiyaning "Milan" jamoasiga o‘tgani va tezda o‘ziga yangi o‘yin raqamini tanlagani haqida xabar bergan edik.
U "Real"da 10-raqam ostida o‘ynagan bo‘lsa, "Milan"da 14-raqam ostida to‘p tepadi. Italiyalik jurnalistlar undan bu raqamni tanlash sababini so‘rashdi.
"Menga bu raqam juda yoqadi, o‘nlik esa Leauga tegishli, u - "Milan"ning buguni va kelajagi. Men o‘z faoliyatim boshida, hatto terma jamoada ham 14-raqam ostida o‘ynaganman", - deb Luka Modrichning so‘zlarini pianetamilan.it keltiradi.
