"Barselona" bosh murabbiyi Xans-Diter Flik klub hali ham 1:1 moliyaviy qoidasiga rioya qilishda qiyinchiliklarga duch kelayotganini, bu esa yangi futbolchilarni ro‘yxatdan o‘tkazishda muammolarga olib kelishi mumkinligini tushunadi. Shu bilan birga, Ispaniya grandining byudjetida yangi o‘yinchilarni sotib olish uchun mablag‘ mavjud. Bu haqda Sport.es xabar bermoqda.
Manbaga ko‘ra, germaniyalik mutaxassis vaziyatdan xabardor bo‘lsa-da, hujumning chap qanotiga hujumchi olib kelish kerakligini ta’kidlamoqda. Avvalroq, Flik "Atletik" vingeri Niko Uilyamsni sotib olishni ma’qullagan edi, ammo futbolchi klubi bilan shartnomani uzaytirdi. Ayni paytda "Barselona" "Liverpul" hujumchisi Luis Dias transferi ustida ish olib bormoqda.
Ta’kidlanishicha, agar "blaugrana" yangi hujumchi bilan shartnoma imzolasa ham, buni avgustdan oldin amalga oshirmaydi. Kataloniyaliklar iqtisodiy masala hal bo‘lishini kutishni afzal ko‘rishadi.
