Rossiyalik mashhur murabbiy Valeriy Nepomnyashiy Turkiyaning "Istanbul Bashakshehir" klubiga o‘tishga yaqin turgan yarim himoyachi Abbosbek Fayzullayevning SSKAdan ketishi mumkinligi haqida fikr bildirdi.
Mutaxassisning fikricha, yosh futbolchi "harbiylar" safida yanada o‘sishi mumkin edi, ammo klub uchun bunday kelishuv hozirgi sharoitda zaruratdir.
"Fayzullayev SSKA uchun yo‘qotish bo‘ladi. U yana o‘sishi mumkin edi. Lekin bu foydali sotuv. Bundan qochib qutulib bo‘lmaydi - SSKA pul ishlab topishga majbur", - dedi Nepomnyashiy "Chempionat"ga bergan intervyusida.
Eslatib o‘tamiz, avvalroq "Bashakshehir" va SSKA taxminan yetti million yevrolik transfer shartlarini kelishib olgani ma’lum bo‘lgandi.
