Braziliya terma jamoasining sobiq himoyachisi, hozirda "Fortaleza" sharafini himoya qilayotgan David Luis klubini o‘zgartirishi mumkin.
Globo Esporte nashri tarqatgan xabarga ko‘ra 38 yoshli futbolchiga Kiprning "Pafos" klubidan taklif bo‘lgan. Futbolchi yaqin orada Braziliya jamoasi rahbariyati - bosh direktor Marselo Pas va bosh murabbiy Renato Payva bilan kelajagini muhokama qilishi kutilmoqda. Luisning o‘zi klubini o‘zgartirishga moil va Kipr varianti eng real variantlardan biriga o‘xshaydi.
Tajribali himoyachining "Fortaleza" bilan shartnomasi 2026 yil oxirigacha amal qiladi va yana bir mavsumga uzaytirish imkoniyatini o‘z ichiga oladi. Joriy mavsumda Luis 17 ta o‘yinda maydonga tushdi.
