Aleksandr Isak maoshi oshishiga umid qilmoqda.
TalkSport xabariga ko‘ra, 25 yoshli forvard "Nyukasl" bilan shartnomasini uzaytirsa, haftasiga 300 ming funt maosh olmoqchi.
Klub rahbariyati va bosh murabbiyi Eddi Xau futbolchini qo‘yib yuborishni istamayapti, biroq bunday shartlar bo‘yicha kelishuv jamoadagi hozirgi maosh tuzilmasini buzadi.
Isakka "Liverpul" va Saudiya Arabistoni klublari jiddiy qiziqish bildirmoqda. Futbolchining amaldagi shartnomasi 2028 yilning iyuniga qadar amal qiladi.













