APLda o‘yinlar oldidan tiz cho‘kishni to‘xtatishlari mumkin.
Avvalroq, Angliya ayollar terma jamoasi Yevro-2025 doirasida Italiya bilan o‘yinda milliy jamoa himoyachisi Jess Karterga nisbatan irqchilik bilan haqorat qilinganidan keyin tiz cho‘kishni rad etgandi. Bosh murabbiy Sarina Vigmanning aytishicha, jamoa a’zolari bu imo-ishorani "etarlicha samarali emas" deb hisoblamoqda.
Professional futbol assosiasiyasi (PFA) Angliya terma jamoasi futbolchilarini qo‘llab-quvvatlagani aytilmoqda.
Shu asnoda APL rahbariyati mavsum starti oldidan klublar sardorlari bilan bu borada maslahatlashishni rejalashtirmoqda, deb yozadi The Guardian.
APLning o‘tgan mavsumida jamoalar faqat chempionatning birinchi va so‘nggi turlari oldidan, shuningdek, oktyabr va aprel oylarida "No Room For Racism" kampaniyasi oldidan tiz cho‘kkan edi. Irqchilikka qarshi bu ishora 2020 yil may oyida AQSHda oq tanli polisiyachi tomonidan qurolsiz qora tanli Jorj Floydning o‘ldirilishi ortidan futbolda keng tarqaldi.
