Londonning "Arsenal" klubi yangi a’zosi Kristian Nergor jamoadagi o‘rni haqida gapirdi.

Daniyalik futbolchi "Brentford"dan sotib olindi, 31 yoshli tayanch yarim himoyachisining transfer narxi 11,7 mln yevroni tashkil etdi.

"Men realistman. Albatta, "Arsenal"ga o‘tish klub miqyosi va jamoa darajasi nuqtai nazaridan olg‘a tashlangan jiddiy qadam ekanini bilaman. Ammo men o‘z hissamni qo‘shishga qodir ekanligimni ham bilaman, aks holda kelmagan bo‘lardim. Mening pozisiyamda dunyoning eng yaxshi o‘yinchilari borligini tushunaman, shuning uchun raqobat oson bo‘lmaydi. Mening vazifam - "Arsenal"ga maydonda ham, uning tashqarisida ham yordam berish", - deya futbolchining so‘zlarini keltiradi Arsenal News Channel.

Kristian Nergor "kanonirlar" bilan yana bir yilga uzaytirish imkoniyati bilan ikki yillik shartnoma imzoladi.