Germaniyaning "RB Leypsig" klubi Ukrainaning "Shaxtyor" klubi yarim himoyachisi Marlon Gomesni o‘z safiga qo‘shib olish harakatlarini to‘xtatmayapti. Bu haqda Fussball Transfers xabar bermoqda.
Manbaga ko‘ra, muzokaralar qizg‘in davom etmoqda, biroq Bundesliga vakilining birinchi taklifi rad etilgan. "Shaxtyor" 21 yoshli braziliyalik futbolchi uchun 25 million yevro olmoqchi. Shaxsiy shartnomaga kelsak, bu yerda tomonlar allaqachon kelishuvga erishgan.
Gomes asosan tayanch zonasida o‘ynaydi, ammo maydon markazida ham paydo bo‘lishi mumkin. U o‘tgan mavsum klub miqyosida 34 ta o‘yinda maydonga tushib, 4 ta gol urdi va 4 ta golli uzatmani amalga oshirdi.
